QSUT, dermatoskopi jashtë funksionit. Mungon aparatura dhe te onkologjiku

Shërbimi i dermatologjisë në QSUT, nuk ka një aparat dermatoskopi, që shërben për kontrollin e nishaneve dhe identifikimin e melanomës në faza të hershme.

Edhe pse kanceri i lëkurës, po njeh rritje nga viti në vit mungesa e aparaturave vështirëson punë e mjekëve, pasi aparatura që trajton këtë sëmundje është prishur prej vitit 2019. Mjekët i kanë dërguar disa herë peticione Ministrisë për rikthimin në funksion të kësaj pajisjeje.

Në përgjigje të kërkesës së Euronews Albania, Burime zyrtare nga drejtoria e QSUT, bëjnë me dije se është blerë një aparaturë e re Orthovoltazhi që trajton kancerin e lëkurës në Shërbimin Onkologjik, por ende nuk është instaluar.

Në përgjigjen zyrtare thuhet se aparatura e re është e një teknologjie të avancuar dhe po punohet për krijimin e një ambienti të përshtatshëm për instalimin e saj.

Por deri në momentin që kjo aparaturë do të vihet në shërbim të pacientëve trajtimi i tyre ose do të shtyhet në kohë, ose do të ofrohet në spitalet private kundrejt pagesës.

LEXONI GJITHASHTU:

• Skocia i jep leksion Spanjës, Zvicra nën drejtimin e Xhakës ‘rrëmben’ fitoren e dytë
• A do të rriten pensionet? Rama: Janë të lidhura me kontributet
• Pas kritikave për qëndrimet pro-ruse, Serbia dërgon ndihma në Ukrainë