Qytetarët “arrestojnë” italianin, shkaktoi aksident teksa transportonte emigrantë

Një shtetas italian, i cili p otransportonte drejt kryeqytetit 12 emigrantë të paligjshëm, ka shkaktuar një aksident në afërsi të fshatit Vërdovë të Pogradecit.

Nga aksidenti një person ka mbetur i plagosur, ndërkohë që nuk dihet ende identiteti i tij, apo nëse është pjesë e grupit të emigrantëve që po transportoheshin.

Burime bëjnë me dije se pas aksidentit shtetasi italian ka tentuar të largohet nga vendi i ngjarjes, por kanë qënë banorët e zonës ata që e kanë ndaluar dhe e kanë detyruar të qëndrojë deri në ardhjen e policisë.

Ekspertët po hetojnë për zbardhjen e ngjarjes ndërkohë shtetasi italian do të përballet me dy akuza, atë të “Trafikimit të qenieve njerëzore” dhe “Shkaktimin të aksidentit”.

LEXONI GJITHASHTU:

• Aksident tragjik në Turqi, humbin jetën 6 anëtarë të një familjeje
• Aksident tragjik në Gjermani/ 5 viktima e disa të plagosur nga përplasja e autobusit