Racizmi gjatë ndeshjes, Aston Villa: Do denoncojmë KF Skënderbeun në UEFA

Aston Villa përmes një njoftimi ka konfirmuar se do ta denoncojë KF Skënderbeun në UEFA. Klubi në njoftim bën me dije se denoncimi ka të bëjë me racizmin që hasën lojtarët dhe stafi nga një pjesë e mbështetësve të klubit shqiptar gjatë ndeshjes së UEFA Youth League  të zhvilluar në Korçë.

Aston Villa theksoi se nuk e pranon këtë lloj sjelljeje dhe e dënon të gjitha format e tjera të abuzimit në termat më të ashpra të mundshme. Racizmi u raportua ndaj një numri lojtarësh të Villas në fushë nga tifozët që po e shikonin ndeshjen. Mbrojtësi Leon Routh iu përgjigj gjithashtu një numri komentesh që ishin lënë në internet pas përfundimit të ndeshjes.

Routh postoi një përgjigje në Instagramin e tij ndaj komenteve në rrjetet sociale të klubit që përdornin emoji majmunësh, duke thënë se “nuk kishte vend për këtë (racizëm) në lojë”.

Siç është procesi i zakonshëm pas ndeshjeve, organi disiplinor i UEFA-s do të vlerësojë raportet përpara se të vendosë për ndonjë veprim që duhet të ndërmarrë.