Rama dhe Abazoviç do të udhëtojnë së bashku drejt Kievit

Kryeministri Edi Rama dhe ai i Malit të Zi, Dritan Abazoviç do të vizitojnë Ukrainën.

Lajmi bëhet me dije nga media në Mal të Zi Vijesti, sipas të cilës Abazoviç pranoi ftesën e presidentit ukrainas Volodimir Zelenski për të vizituar Kievin.

“Siç ka paralajmëruar, Abazoviç do të nisë një vizitë në Kiev, në mënyrë që të dërgojë një mesazh më të fortë dhe unik të mbështetjes nga Ballkani Perëndimor ndaj sovranitetit dhe integritetit të Ukrainës”, njofton zyra e shtypit e Kryeministrit.

Sipas “Vijesti”, kryeministrat e Shqipërisë dhe Maqedonisë së Veriut, Edi Rama dhe Dimitar Kovaçevski e kanë pranuar idenë e Abazoviçit dhe mbetet të bihet dakord për një datë.

LEXONI GJITHASHTU:

• Rusia zgjeron sulmet, godet sërish Kievin
• Po humbasim deri në 200 ushtarë në ditë, thotë zyrtari ukrainas