Rama dhuron gjak, Kryeministria i bashkohet nismës për kategoritë në nevojë

Kryeministri Rama dhe stafi i tij i janë bashkuar nismës së kryqit të kuq dhe kanë dhuruar gjak për kategoritë në nevojë.

Nismës së dhurimit të gjakut për kategoritë në nevojë iu bashkua këtë fillim jave edhe kryeministri Rama.

Në sloganin “Bashkoni përpjekjet dhe shpëtoni jetë” në ambientet e kryeministrisë u instalua njësia e lëvizshme e Kryqit të Kuq Shqiptar, ku punonjësit e administratës së këtij institucioni dhuruan gjak.

“Këtë duhet ta marrësh t’i përsipër ta organizosh, meqë është dhe në krye të punës për fëmijët, tek fëmijët është kryesorja, puna është t’i sqarosh njerëzit që dhënia e gjakut bën mirë, pasi ata nuk e dinë”, tha Rama.

Edhe këtë vit fushata sensibilizuese e dhurimit të gjakut synon të ndërgjegjësojë për rolin e rëndësishëm që luajnë dhurimet vullnetare të gjakut në shpëtimin e jetëve dhe rritjen e solidaritetit brenda komuniteteve.

LEXONI GJITHASHTU:

• Stafi i Alpha Bank Albania dhuron gjak nën moton ‘’Të dua jetë!’’
• Kërkohen dhurues gjaku, fëmijët talasemikë nuk marrin sasinë e duhur