Rama: Do hapim qendrën e parë turistike të skive në Korçë

Kryeministri Edi Rama lajmëroi nga Korça se në qytetin juglindor do të ndërtohet qendra e parë turistike e skive në Shqipëri.

Përmes një videoje të publikuar në faqen e vet në rrjetet sociale Rama shprehet se kjo nismë do të “ndezë një motor të ri në ekonominë të gjithë qarkut”.

“Rreth gjysmë milioni vizitorë e turistë që kalojnë të paktën 1 natë në Parisin e Vogël gjatë vitit. 1 dekadë më parë mezi i kalon 50 mijë në vit dhe nuk kishte këmbë të huaji, ndërkohë që bujtinat numëroheshin me gishta e mezi mbanin veten. Por tani ka ardhur radha e qendrës së parë turistike të skive në Shqipëri, një projekt që do ta fusë Korçën në hartën europiane të turizmit të skive dhe do të ndezë një motor të ri bë ekonominë e gjithë këtij qarku”, shprehet Rama.

LEXONI GJITHASHTU:

• 1,4 miliardë dollarë për projektin në Sazan, Shehaj: Rama po përdor pronat e shtetit
• Rama në Abu Dhabi: Nënshkruajmë marrëveshjen me Italinë për kabllot nënujorë