Rama flet për Belind Këlliçin: Është kloun, qesharak fare

Kryeministri Rama e quajti “kloun dhe maskë e faqes së zezë së opozitës”, kandiatin e koalicionit “Bashkë Fitojmë”, Belind Këlliçi.

I ftuar në emisionin “Now” në Euronews Albania ai tha se në koalicionin “Bashkë fitojmë”, janë të gjithë kloun të cilët bëjnë sikur duan të përmirësojnë jetën e komuniteteve, por në të vërtetë, kërkojnë që të kthejnë bashkitë në fronte lufte me regjimin.

“Një tjetër maskë e faqes së zezë. Maskë edhe një kloun fare. Nuk është normale që kandidatët të jenë kloun, por ti quash ashtu siç janë është e domosdoshme. Si i shikoj unë gjërat, ai është një kloun.

Ata janë kloun të gjithë sepse janë në një rol, i cili u është dhënë për të bërë sikur po kërkojnë të përmirësojnë jetën e komuniteteve kur në fakt roli i tyre është të kapin çfarë të munden dhe pastaj në momentin që futen në një bashki, ta kthejnë bashkinë në një kështjellë të luftës me regjimin”,-tha kryeministri Rama.

LEXONI GJITHASHTU:

• Rama për zyrtarët e PS me probleme me ligjin: S’mbaj asnjë që del nga rruga e Zotit
• Refuzuan të hiqnin emblemën ruse, spektatorët e xhudos dëbohen nga kampionati