Rama i mbyll sytë Kurtit, Ndoka: E pajustifikueshme

Nard Ndoka e cilëson të pajustifikueshëm gjestin e kryeministrit Edi Rama: i mbyll sytë kryeministrit Albin Kurti në Berlin pas Asamblesë së Këshillit të Evropës.

Në emisionin “Goodmorning Albanians” në Euronews Albania, Ndoka u shpreh se është kundër këtyre gjesteve të bëra nga një kryeministër në një event zyrtar.

“Jam kundër këtyre gjërave për staturën e një kryeministri. Është një kryeministër karagjoz; nuk është fare interesante, është lojë fëmijësh. I ka të gjitha gjërat, nëse e ka ftuar në dasmë dhe ia bën këtë pasi ka pirë tre shishe verë, edhe justifikohet. Kjo është me regji, jo rastësi. Është një armatë njerëzish që punon për të”, tha Ndoka.

LEXONI GJITHASHTU: 

• Nard Ndoka: Nuk prisja që Ilir Meta të më hidhte në TikTok nga pishina
• ‘Rama do të largojë nga skena Kurtin’, Bushati: Projekt politik me Thaçin e Vuçiçin