“Rama i përfshirë në aferë të zezë”, Berisha mbledh deputetët e PD-së  

Kreu i PD-së Sali Berisha ka mbledhur grupin parlamentar të PD, ku është shprehur se Edi Rama është i përfshirë në mënyrën më të pakontestueshme në një nga aferat më të zeza të kohërave,

Në fjalën e tij ai thotë se Shqipëria është në epiqendër të një stuhie, e cila në memorien historike, nuk ka ekzistuar të paktën në 50 vitet e fundit.

Sipas tij ajo që ka bërë Rama tejkalon çdo normë e çdo standard.

“Shqipëria, Edi Rama, kreu i ekzekutivit është i përfshirë në mënyrën më të pakontestueshme në një nga aferat më të zeza të kohërave, në një akt që tejkalon çdo normë, çdo standard, çdo ligj,çëdo moral, çdo imagjinatë.

De facto, ai ka përdorur si aset të tij, një nga njerëzit më të rëndësishëm të sistemit të sigurisë së SHBA, për definicion të botës së lirë, ish-shefin e kundërinteligjencës të FBI, një nga njerëzit më të besuar të asaj toke dhe atij vendi, Charles McGonigal.

Me qëndrimin e tij të papërgjegjshëm, Edi Rama përpiqet të hiqet duarjashtë.

Në një kohë kur aktakuza e botuar nga Ministria e Drejtësisë e SHBA, në 16 faqet e saj, të paktën 15 i kushtohen fund e krye, Edi Ramës, ish-oficerit të policisë sekrete, bashkëpunëtorit të SHISH, Agron Nezaj, këshilltarit në hije të Edi Ramës, Dorian Duçkës”-tha ai.

LEXONI GJITHASHTU: 

• Meta: Drejtësia të hetojë aktet korruptive të Ramës në “Çështjen McGonigal”
• Me dorezë dhe drogë në lokal, arrestohet i ‘forti’ në Burrel. Në pranga dhe pronari