“Rama korruptoi ish-agjentin”, Berisha merr fjalën në Kuvend, rrethohet nga garda

Kreu i PD-së Sali Berisha ka bllokuar ditën e sotme foltoren gjatë seancës plenare që po mbahet në Kuvend, ku foli për arrestimin e ish-agjentit të FBI-së Charles McGonigal  dhe lidhjes së tij me Ramën.

Berisha theksoi se Shqipëria gjendet në epiqendër të një cikloni që do të poshtëronte çdo vend të madh.

“Shqipëria gjendet në epiqendër të një cikloni që do të poshtëronte çdo vend të madh. Rama, ministrat e tij, këshilltarët e tij janë të implikuar në një aferë korruptive në korruptimin e njërit prej njerëzve me njohuri më të jashtëzakonshme, më sensitive në SHBA për sigurinë e këtij vendi, dhe sigurinë e vendeve të lira. Prej muajsh një juri ka urdhëruar hetimin e çdo mesazhi, email, udhëtimi mes ish-zyrtarit të FBI-së, Dorjan Duçkës, Agron Nezës dhe Edi Ramës. Skandali shpërtheu në mënyrë të fuqishme pas arrestimit të ish-agjentit të FBI-së”- tha Berisha.

LEXONI GJITHASHTU: 

• A ndiheni i rrezikuar nga SPAK? Shkëlzen Berisha flet pas marrjes në pyetje
• Bllokoi foltoren e Kuvendit, Nikolla përjashton Berishën nga seanca plenare