Rama me diasporën në Selanik: Keqardhje për bllokimin e gazetarëve shqiptarë në kufi

Kryeministri Edi Rama vijon sot turin me diasporën në një takim me shqiptarët Selanik të Greqisë në një sallë në ‘Porto Palace’.

Rama lajmëroi se do të firmoset një kontratë përmes së cilës 8 mësuese të gjuhës shqipe do t’u mësojnë gjuhën amtarë vogëlushëve shqiptarë në Greqi.

Ai e cilësoi veprim absurd ndalimin e gazetarëve shqiptarë në kufirin me Greqinë, gjë për të cilën siç tha ndërhyri vetë ministri i brendshëm grek për ta zgjidhur.

“Shpreh keqardhje për bllokimin disa orë në kufi të gazetarëve shqiptarë për arsye të panjohur për ne dhe falenderoj ministri e Brendshëm për zhbllokimin e një situate absurde që si ka ndodhur asnjëherë gazetarëve grekë në Shqipëri. Do i dërgojmë kërkesë zyrtare Greqisë për anulimin e urdhrit që ndalon gazetarin Marin Mema të hyjë në Greqi”, tha Rama.