Rama në Gramsh: Altin Dumani po bën drejtësi me “shpatën” që i dhamë ne

Kreu i Partisë Socialiste Edi Rama zhvilloi pasditen e së enjtes një takim elektoral me mbështetësit socialistë në Gramsh.

Në fjalën e tij Rama përmendi mes të tjerash reformën në drejtësi që siç tha u bë e mundur në sajë të PS, ndërsa vlerësoi rezultatet e saj duke vendosur para ligjit politikanë të veshur me pushtet.

Kryeministri theksoi se Partia Socialiste është e vetmja forcë politike që me të marrë pushtetin i ka dhënë drejtësinë “shpatën” për të vendosur drejtësi para ligjit.

“Bëmë atë që nuk e bëri asnjë forcë tjetër politike që pasi morëm pushtetit t’i dorëzojmë drejtësisë shpatën e drejtësisë. Që nga 1912 drejtësia varej nga qeveria dhe i pari i qeverisë, ndodhej në zyrën e qeverisë, te zyra ku jam unë sot ku nuk është më ajo shpatë se ne atë shpatë ja dorëzuar drejtësisë… Altin Dumani e të tjerë ishin njerëz të çarmatosur, ata që i janë qepur prapa, këneta me kuak kuak kuak që duan të na parakalojnë duke i treguar popullit përralla që nuk i ha njeri, ata jo shumë vite më parë vrisnin ditën për diell. Kanë vrarë disa herë në kohë të ndryshme derisa vranë nën dritaret e kryeministrisë. E imagjinoni dot që sot të vriteshin protestues, poshtë dritares së kryeministrisë, Altin Dumani të çonte letër 3 drejtuesve të policisë dhe unë të përdorja detyrën për t’i mbrojtur dhe të dilja në TV e të thosha se prokurorja është lavire, siç i tha bufi i kënetës”, tha Rama.