Rama në takim me Osmanin, ambasadori Hovenier mbërrin në Kuvendin e Kosovës

Ambasadori amerikan Jeff Hovenier ka hyrë në ndërtesën e Kuvendit të Kosovës ku ndodhet edhe Kryeministri Rama i cili po zhvillon një takim me presidenten Vjosa Osmani.

Gazetari i Euronews Albania, Kosovë Gjoci tha në një lidhje direkte se ende nuk dihet nëse arsyeja e ardhjes është një takim me Ramën apo do të zhvillojë takime veçmas me ndonjë nga liderët e Kosovës.

Ai tha gjithashtu se ambasadori amerikan ka dalë me shpejtësi nga makina e është futur po me shpejtësi në ambientet e brendshme të Kuvendit dhe është drejtuar në pjesën ku ndodhet edhe presidenca e Kosovës.

LEXONI GJITHASHTU:

• “Nxisin dhunën gjatë protestave”, Macron: Duhet të menaxhojmë më mirë mediat sociale
• Emërohet drejtoresha e re e Kadastrës në Vlorë