Rama: Nuk e rriti qeveria çmimin e energjisë, por ERE

Kryeministri Edi Rama deklaroi se nuk është qeveria që vendos për rritjen e çmimit të energjisë elektrike.

Nga Bulqiza, Rama nënvizoi se qeveria vendos fashën, ndërsa ERE çmimin.

“Dalin prapë dhe thonë u rrit çmimi. Cili çmim u rrit, si u rrit? Çmimi i energjisë është në faturë. Është e vërtetë që ne kemi vendosur fashë. ERE nuk vendos fashë, fashën e vendos, kush e ka në administrim dhe në administrim e ka shteti.

ERE vendos sa është çmimi. Do të vësh çmimin e liberalizuar, është kaq. Paguajnë njerëzit 9.5 lekë, çmimi është 44 lekë, aq kushton. Ne detyrohemi të dalim në import, Shqipëria nuk i ka të gjitha burimet që i duhen për nevojat e veta”, theksoi ai.

Enti Rregullator i Energjisë deklaroi se për muajt nëntor-dhjetor të këtij viti, do të aplikohet çmimi 44 lekë për kilovat mbi fashën 800 KW.

Përmes një njoftimi, ERE bëri të ditur se çmimi i furnizimit me energji elektrike për konsumatoret që konsumojnë mbi fashën e konsumit 800 kW, do të mbetet objekt rishikimi periodik.

LEXONI GJITHASHTU

• ERE vendos: 42 lekë për kilovat mbi fashën 800 KW për muajt nëntor-dhjetor
• Çmimi i energjisë, ERE: Hiqet fasha 800 kwh për tetorin
• Nesër mblidhet Bordi i ERE për çmimin e energjisë