Rama paralajmëron paketë ndëshkimesh ligjore për këdo hedh mbeturina në rrugë

Kryeministri Edi Rama ka paralajmëruar një paketë të re ndëshkimesh ligjore për të gjithë ata persona apo subjekte që hedhin plehra në rrugë.

Përmes një postimi në faqen e vet në Facebook Rama shprehet se nuk mund të tolerohet “sjellja e egër” e një pakice, e cila përmes veprimeve të tilla dëmtojnë imazhin e “Shqipërisë së rilindur nga turizmi”.

“Faleminderit bashkisë Gjirokastër dhe ARRSH që u angazhuan në pastrimin e aksit Kardhiq-Delvinë, që çdo ditë frekuentohet nga mijëra turistë. Dhe në këtë kthesë të madhe historike për turizmin e për ekonominë shqiptare, ne s’do të lejojmë që sjellja e egër e një pakice individësh të pacipë, të dëmtojë Shqipërinë e rilindur turistike! Një paketë e re ndëshkimesh drastike ligjore për hedhësit e plehrave rrugëve, do të hyjë në fuqi maksimumi fillimvitin e ardhshëm”, shprehet Rama.

LEXONI GJITHASHTU:

• Arrestimet për sterilizimin, Berisha: Vendimet ishin në sirtar, i urdhëroi Rama
• Rama për Melonin: E jashtëzakonshme, s’ka gabuar në linjën e politikës ndërkombëtare