Këtë të premte është hapur zyrtarisht tuneli i Llogarasë. Tuneli është hapur përmes një ceremonie inaugurimi ku i pranishëm ishte Kryeministri Edi Rama, ministra, deputetë e zyrtarë vendorë të qarkut Vlorë.

Kryeministri Edi Rama përshkoi me autobus së bashku me disa qytetarë të tjerë tunelin, duke zhvilluar me ta një bashkëbisedim.

Një prej qytetarëve e falenderoi Ramën për veprën e madhe infrastrukturore që ka qenë premtim i çdo qeverie në çdo kohë dhe siç tha, kishte mbetur vetëm një ëndërr.

“Të tëra përrallat e dikurshme do i bëjmë, se këtë tunelin e kanë premtuar të tërë, aeroportin e Vlorës e kanë premtuar të tërë, në fund të vitit e mbarojmë edhe atë”, tha Rama.

Tuneli ka një gjatësi prej 5.9 kilometra dhe do të shkurtojë ndjeshëm kohën e udhëtimit drejt plazheve të bukura të Jugut të Shqipërisë.

Distanca e udhëtimit në këtë segment llogaritet 7-10 minuta, nga rreth 40 minuta që përshkohej duke udhëtuar përmes Llogarasë.

LEXONI GJITHASHTU:

• Hapet zyrtarisht tuneli i Llogarasë, kryeministri Rama i pranishëm në ceremoni
• Rama: Nën hijen e shenjtores, Kadare do ndihet i mbrojtur nga ata që s’e deshën