Rama po ndërhyn në politikën e brendshme britanike, pretendon Berisha

Kryetari i Partisë Demokratike, Sali Berisha ka akuzuar kryeministrin Edi Rama se po ndërhyn në politikën e jashtme britanike, për llogari të këshilltarëve të tij.

Në një deklaratë për mediat, Berisha u shpreh se Rama është angazhuar në betejë politike në Britaninë e Madhe.

“Unë sot gjithashtu dua të denoncoj qëndrimet e Edi Ramës ndaj problemeve të mëdha, ndaj dramës shqiptare në kanalin e La Manshit. Autor kryesor i kësaj drame njerëzore është Edi Rama. Janë lidhjet e tij të tmerrshme me korrupsionin, janë vjedhjet e tij në afera qindra milionëshe, janë rrëmbimi i votës, që i bën këta qytetarë të pashpresë në vendin e tyre, janë lidhjet e forta me krimin dhe drogën të Edi Ramës, Olsi Ramës dhe qeveritarëve të tjerë.

Edi Rama është angazhuar në betejë politike në Britani, i këshilluar nga këshilltarë që duan ta shndërrojnë çështjen e brendshme për pikë politike, Edi Rama kalon nga një konferencë në tjetrën, duke përdorur gjuhën ordinere, që tregon se nuk ka minimumin e edukatës njerëzore. Gjuhë që bazohet në urrejtje. Për interesat e tij është i gatshëm që të përdorë çdo fjalë dhe të mbajë çdo qëndrim”, theksoi kryedemokrati.

LEXONI GJITHASHTU

• Berisha: Ikja e shqiptarëve në Britaninë e Madhe, vepër e Edi Ramës
• “Alimehmeti risi e jashtëzakonshme në PD”, Hajdari flet për kandidaturat e primareve
• ‘S’ka presione, por rekomandime’, Balla: Do nxjerrim draft final me BE për amnistinë