Rama pret kryeministren daneze: Vizitë historike! S’e harrojmë ndihmën për tërmetin

Kryeministri Edi Rama priti këtë të hënë në një vizitë zyrtare në Tiranë, kryeministren e Danimarkës, Mette Frederiksen.

Gjatë konferencës së përbashkët për shtyp, Rama e cilësoi këtë vizitë si historik,e pasi është e para e një kryeministri apo kryeministreje daneze në Shqipëri.

Rama shprehu falenderimet ndaj Danimarkës dhe kryeministres mette Frederiksen, pasi sipas tij ishte ndër vendet e para që shprehën gadishmëri për t’iu gjendur pranë Shqipërisë gjatë tërmetit.

“Sot është një kënaqësi vërtet e veçantë sepse duhet thënë një fjalë e tillë, por pasi është kënaqësi vizita e kryeministres në Mette Frederiksen Tiranë. Vizita e parë e një kryeministreje daneze në Tiranë ndaj dhe është një vizitë historike. Është një kënaqësi e veçantë për mua, pasi kryeministrja ka qenë vërtet prezent në momentin e vështirë për ne, kur një tërmet katastrofik la për pak sekonda në qiell të hapur mbi 15 mijë persona. Nuk do ta harroj kurrë që një nga personat që shprehu disponimin për ndihmë është kryeministrja daneze”, tha Rama.

Gjithashtu Rama bëri me dije se në takim u diskutuan dhe projekte që mund të rrisin bashkëpunimin ekonomik mes dy vendeve.

LEXO GJITHASHTU:

• Rama: Paga e mjekëve specialistë do të rritet me 6 mijë dollarë në vit
• Rama: Nuk financojmë studentët e mjekësisë që sa marrin diplomën të ikin në Gjermani
• Mbahet Kongresi i Shëndetësisë, Manastirliu: Do të rrisim pagat për mjekët