Rama: Propozimi i BE dhe SHBA mundësi e artë për Kosovën, situata mund të ndryshojë

Kryeministri hungarez Viktor Orban ka vizituar ditën e sotme vendin tonë, ku është pritur me nderime të larta dhe nga vet homologu i tij shqiptar Edi Rama.

Rama në një konferencë të përbashkët për shtyp doli në lidhje me situatën në Kosovë, duke thënë se kësaj të fundit i është dhënë një mundësi e artë nga SHBA  dhe BE, dhe sipas tij këtë mundësi duhet ta shfrytëzojë.

Më tej, referuar propozimit të asociacionit, Rama theksoi se Kosova duhet ta pranojë  pasi më vonë situatat mund të ndryshojnë.

‘Fokusi është të bëhet paqja përfundimtare në tryezë. Sot Bashkësia euroatlantike i ka dhënë Kosovës mundësinë e artë dhe propozimi në tryezë i mbështetur nga BE dhe SHBA është gjëja më e mirë që mund ti ndodhë Kosovës. Besoj se mund ta them me plotë gojën, kjo mundësi e artë nuk do të jetë përgjithmonë. Situatat mund të ndryshojnë, dinamikat mund të ndryshojnë dhe pastaj mund të hyjmë në një tjetër situatë që nuk do të ketë më zgjidhje’- tha ai.

LEXONI GJITHASHTU: 

• “KFOR-i do dorëzojë dosjen në NATO”- Rama: Po punojmë të kthejmë policët në shtëpi
• Orban: Shqipëria të anëtarësohet në BE, jemi të përkushtuar