Orban: Shqipëria të anëtarësohet në BE, jemi të përkushtuar

Kryeministri hungarez Viktor Orban në një konferencë të përbashkët që ka mbajtur me homologun shqiptar Edi Rama tha se Shqipëria duhet të anëtarësohet në BE.

Ai theksoi se Hungaria është e përkushtuar që Shqipëria të bëhet pjesë e BE-së ndërsa nënvizoi  se kjo duhet të bëhet sa më parë.

“Kemi dy praktika në Evropën Perëndimore, njëra është se kapaciteti konkurencial është në rënie sepse u anëtarësuan vendet e anëtarësimit dhe drejtimi tjetër thotë se falë këtyre vendeve u rrit kapaciteti konkurrencial i Europës. Përsa i përket Evropës Perëndimore nuk kemi një bindje të patundshme që zgjerimi i BE është diçka pozitive. Politika e zgjerimit është një luftë e vazhdueshme. Nuk mund të rrimë duarkryq e të presim pavarësisht se kemi interesa të ndryshme. Jemi të përkushtuar që Shqipëria të anëtarësohet në BE. Duhet të nxitojmë të anëtarësohet. Kjo duhet të jetë e menjëhershme”- tha ai.

LEXONI GJITHASHTU: 

• Rama: BE ka nevojë për Ballkanin Perëndimor, Hungaria avokate e Shqipërisë
• Rama: Propozimi i BE dhe SHBA mundësi e artë për Kosovën, situata mund të ndryshojë