Rama propozon mbajtjen e Kuvendit të përbashkët Shqipëri-Kosovë më 28 nëntor

Kryeministri Edi Rama ka propozuar që më 28 nëntor të këtij viti të mbahet një Kuvend i përbashkët midis Shqipërisë dhe Kosovës.

Propozimin, Rama e bëri këtë të hënë gjatë fjalës së tij në mbledhjen e dy qeverive në Prishtinë,

“Unë do t’ju propozoja që, duke qenë se jemi në 110-vjetorin e pavarësisë së Shqipërisë dhe të ngritjes së flamurin të pavarur të Shqipërisë, ne të kishim në nëntor, të parin Kuvend të përbashkët, me të dyja Parlamentet e mbledhura në një dhomë”, u shpreh Rama.

Kreu i qeverisë theksoi se bashkarisht me kryeministrin Albin Kurti, duhet të bindin dy kryesitë e Kuvendeve në Shqipëri dhe në Kosovë, për të arritur diçka të tillë.

Qeveria shqiptare dhe ajo e Kosovës pritet të nënshkruajnë marrëveshjen për pranimin e studenteve në institucionet publike ndërmjet dy vendeve, duke hequr të gjitha kufizimet.

LEXONI GJITHASHTU

• Pritet të hiqen kufizimet për pranimin e studentëve mes Shqipërisë dhe Kosovës
• Shqipëri-Kosovë pa kufij për festat zyrtare dhe në fundjavë (Periudha)
• Rama: Kënaqësi kur takoj Albinin, edhe pse shumë nuk e besojnë