Rama-Rrumbullakut: 100 ditë kohë për të dalë nga udhëkryqi, mos prano ndërhyrje!

Agjencia e Mbikëqyrjes Policore duhet të hapë hetimet për të gjithë punonjësit e policisë që mbulojnë zonat ku është ndërtuar pa leje.

Ishte kjo deklarata e kryeministrit Rama gjatë ceremonisë së emërimit të drejtorit të ri të Policisë së Shtetit. Ai i dha 100 ditë kohë Rrumbullakut për të normalizuar situatën, ndërsa e këshilloi të mos i përgjigjet telefonatave që mund t’i bëjnë për ndërhyrje.

Kryeministri u shpreh se për të tilla iniciativa kanë qenë të gatshëm që ditën e parë që kanë ardhur në detyrë dhe tashmë operacioni i prishjes apo konfiskimit të ndërtimeve pa leje ka për të qenë “i dhimbshëm” për milionerët e përfshirë apo për ata që pretendojnë se i ndajnë katet me Ramën.

“Duhet që ky operacion të bëjë që asnjë më, të mos imagjinojë që mund të ndërtojë ndonjë metër katror pa leje se do t’i hyjë ca halleve që nuk ja vlejnë fare,” – u shpreh kryeministri.

LEXONI GJITHASHTU:

• Rama: Njësi policore me emrin ‘Jonada’ për të monitoruar plazhet
• Rama zbulon shifrat, sa policë janë dënuar në 6 muaj
• Do rrisim pagat për policët në nivelin bazë, zotohet Rama