Rama sot i lumtur apo i trishtuar për vulën? Flet Baton Haxhiu

Gazetari Baton Haxhiu tha në emisionin Now në Euronews Albania se vendimi i Gjykatës së Apelit për t’ia dhënë vulën e PD, Sali Berishës ka krijuar një realitet të ri politik.

Sipas tij, dëshira e çdo partie në pushtet është të ketë përballë një opozitë të përçarë, siç ishte për 2 vjet PD, ndërsa në rastin konkret dëshira e Ramës do të ishte të kishte Berishën dhe Metën në betejë.

Ky vendim ka sjellë dy gjëra; një realitet politik që nuk quhet më Rithemelim, një opozitë rreth një njeriu që është non grata, e duan apo jo ndërkombëtarët kjo s’ka më rëndësi. Cilat janë pasojat e PD së re për ballafaqimin me Ramën? Ku është Rama? Unë mendoj se secila parti në pushtet e do një opozitë të përçarë me shumë liderë që merret me vetveten, sot është hapur edhe diçka, ata që nuk kanë ambicie të marrin ndërtesën të bëjnë parti të re dhe hyjnë në betejë. Nuk i bën përshtypje askujt a është i lumtur Rama, sot ka filluar beteja, sot kemi një realitet të ri. Dëshira e PS është të ketë Berishën dhe Metën ne betejë”, tha Haxhiu.