Rama sulmon Lelin: Vlora duhet të ishte xixë, kryetari fle gjumë

Në një mbledhje me kryetarët e bashkive, kryeministri Rama ka sulmuar kryebashkiakun e Vlorës, Dritan Lelin.

Ndërsa renditi bashkitë shembullore dhe ato problematike, kryeministri u shpreh se ka bashki të vogla me buxhet të kufizuar, por që kryetarët bëjnë punë sistematike si Cërriku apo Belshi.

Ai përmendi Lezhën, si një shembull ku bashkia ka bërë një punë të shkëlqyer dhe konkretisht, higjena në plazh është në nivele të larta. Gjithashtu dhe Pogradecin, nga ku mbajti deklaratën e tij, dhe Matin.

“Bashkia më shembullore ndër të gjitha bashkitë është Shijaku, përfshi dhe Tiranën është Shijaku,” – shtoi Rama.

Të njëjtën gjë nuk e pohoi për Vlorën. Rama tha se qyteti ka shumë potencial dhe mbështetje, por kryetari “fle gjumë”.

“Vlora, me gjithë atë potencial që ka dhe me gjithë atë mbështetje që ka nuk duhet ta diskutonte të qenit xixë në mëngjes, në drekë, në darkë, minimalisht xixë,” – u shpreh Rama.

LEXONI GJITHASHTU:

• Rama-bashkive problematike: Keni kohë të kapni trenin