“Rama surprizon në fund”. Analisti tregon kush mund të jetë kandidati i PS në Vlorë

Analisti Ergys Alushaj tregoi në një intervistë për Euronews Albania kandidatët potencialë të Partisë Socialiste për bashkinë e Vlorës në zgjedhjet e 14 majit.

Alushaj u shpreh se Vilma Bello është një nga emrat që përflitet si një kandidate e vetëshpallur duke zhvilluar me takime të shumta në terren dhe në rrjetet sociale, por si ajo ka edhe të tjerë emra që e kanë vetëshpallur kandidaturën.

Sipas tij, qëllimi i Ramës nuk janë zgjedhjet lokale, por gjetja e një kandidati të fortë që të menaxhojë qytetin dhe PS në zgjedhjet e përgjithshme.

“Ramës i duhet një kadidaturë e fortë që menaxhojë qytetin dhe PS për zgjedhjet e përgjithshme, se lufta politike do të bëhet më e fortë, do nisë në zgjedhjet lokale për votën për partinë, duke pasur parasysh edhe çarjen e fortë mes kreut aktual dhe PS. Bashkia mendohet të jetë e fituar dhe Rama po kërkon një emër të papërfolur, ndoshta një qytetar të Vlorës, që të jetojnë në qytet se në 8 vite pushteti i ka konsumuar socialistët në poste drejtuese, që ta menaxhojë qytetin në zgjedhjet e përgjithshme. Gara do të jetë shumë e fortë për Vlorën”, tha Alushaj.