Rama takohet me Hillary Clinton në Konferencën e Sigurisë në Mynih

Kryeministri Edi Rama është takuar gjatë punimeve të Konferencës së Sigurisë në Mynih dhe me ish-Sekretaren Amerikane të Shtetit, Hillary Clinton.

Ka qenë vetë kreu i qeverisë, i cili ka ndarë pamjet në rrjetin social facebook me mbishkrimin: “Mynih – Me miken e madhe të Shqipërisë dhe Kosovës, Sekretaren e Shtetit, Hillary Clinton”.

Kreu i qeverisë zhvilloi më herët dhe takime me përfaqësues të BE, si edhe politikanë të vendeve të tjera.

Paraditen e të shtunës Rama ndau foton nga takimi me Sekretarin Parlamentar të Shtetit Gjerman në Ministrinë Federale për Bashkëpunim Ekonomik dhe Zhvillim Niels Annen, si edhe me kryeministrin e North Rhine-Westphalia, Hendrik Ëurst.

Konferenca e Sigurisë e Munihut (MSC), e quajtur ndryshe “Davosi i Mbrojtjes” mbledh rreth 60 krerë shtetesh dhe mbi 85 zyrtarë qeveritarë në qytetin bavarez për të diskutuar çështjet aktuale dhe të ardhshme të sigurisë globale.

LEXONI GJITHASHTU:

• Rama nga Mynih: Kosova të bëjë pjesën e saj, pastaj BE dhe SHBA të merrën me Serbinë
• Rrugëtimi i Kosovës për pavarësi, datat dhe ngjarjet që shënuan historinë