Rama vendos ‘kusht’ për kompanitë që shfaqin interes për ndërtimin e portit të ri

“Cilado kompani që do marrë përsipër operimin e portit, jo vetëm t’i ketë të gjitha standardet, por edhe të jetë kompani që vjen nga një vend jo kundërshtar ndaj aleancës Euro-Atlanatike.”

Kështu u shpreh kryeministri Edi Rama, gjatë fjalës së tij në prezantimin e projektit për portin e ri tregtar të Durrësit, ku theksoi se kompania e cila do të ndërtojë portin, duhet të jetë nga një mik i NATO-s.

Sipas Ramës, në dekadën e parë, porti i ri do t’i sjellë ekonomisë shqiptare rreth 8 miliardë euro.

“Na duhet që cilado kompani që do marrë përsipër operimin e portit, jo vetëm t’i ketë të gjitha standardet, por edhe të jetë kompani që vjen nga një vend jo kundërshtar ndaj aleancës Euro-Atlanatike.

Më në fund edhe në bëjmë atë që kanë bërë më parë: kthejmë në një aset me vlerë të lartë ekonomike portin e vjetër duke larguar nga zemra e qytetit mallrat, qymyrin, ndotjen dhe duke i dhënë zemrës që qytetit një zhvillim fantastik. Në dekadën e parë do i sjellë ekonomisë sonë rreth 8 miliardë euro”, theksoi Rama.

LEXONI GJITHASHTU

• Rama për portin e ri: Të gjitha rrugët e Ballkanit Perëndimor do të çojnë në Durrës
• Prezantohet projekti i portit tregtar të Durrësit, Balluku: 1500 vende pune
• Porti i Durrësit, Balluku: Alabbar i shqetësuar nga reagimet e opozitës