Rama: Von der Leyen më informoi për procesin screening për integrimin

Kryeministri Edi Rama së bashku me presidenten e Komisionit Evropian Ursula von der Leyen, po mban një konferencë për mediat, një ditë para se të mbahet Samiti i Procesit të Berlinit në Tiranë.

Rama deklaroi se në fokus të takimit me Der Leyen  ka qenë integrimi i Shqipërisë dhe Ballkanit Perëndimor në Bashkimin Europian.

Von der Leyen sipas Ramës e ka informuar për procesin screening për të gjithë grupkapitujt themelorë të negociatave, për të cilat ka pasur fjalë të mira.

“Presidentja na informoi për ecurinë e procesit të screning në kuadër të integrimit, po e them me këtë term se ende nuk jam informuar si është kjo fjalë në shqip. Është diagniozë e thelluar e të gjithë situatës në të gjithë sektorët e vendit. Më vjen mirë që nga presidentja dëgjuam fjalë të mira për këtë proces dhe për çfarë Shqipëria ka bërë. Megjithatë presidentja nuk është personi që thotë vetëm fjalë të mira, çka e bën të rëndësishme fjalën e mirë. Kemi folur për situatën në rajon për ecurinë e përbashkët të të gjithë rajonit”, tha Rama.

LEXONI GJITHASHTU: 

• Der Leyen nga Tirana: Kosova e Serbia do jenë pjesë e BE, t’i rikthehen dialogut
• Hapja e degës së kolegjit të Bryzhi, Rama: Askush s’mund ta mbështesë një vend si BE