Mosha nuk e pengon aspak që të synojë që vitet e mbetura të karrierës t’i vijojë në një ligë të fortë në Evropë. Sergio Ramos është pranë kalimit në kampionatin anglez dhe, sipas mediave britanike, ka arritur akordin me Njukasëll. 38-vjeçari, Ramos, pak kohë më parë mbylli aventurën tek Sevilla, një ekip në të cilin kishte luajtur dhe më herët, ndërsa së fundmi mori disa oferta nga Arabia Saudite e MLS në SHBA. Duket se alternativa më e mirë ka qenë ajo e qymyrxhinjve, të cilët i kanë ofruar një kontratë Ramos, për të qenë pjesë deri në vitin 2026.
Konkurrenca në skuadër është e madhe, por kjo nuk është problem për të, pasi ka luajtur më herët edhe me Real Madridin e PSG-në, ku me Los Blancos fitoi dhjetra trofe. Sergio Ramos do të përfitojë plot 10 milionë euro në vit me Njukasëll, pagë mjaft e lartë për një 38-vjeçar, i cili pavarësisht karrierës në nivel të lartë, nuk ofron siguri, duke qenë se është në fundin e saj.
Pritet që ditët në vijim ai të zbarkojë në St James Park, ku dhe do të bëhet prezantimi.
LEXONI GJITHASHTU:
- Rezultatet e Champions League, Interi merr përkohësisht kreun
- Francesco Totti probleme me ligjin, rrezikon deri në 5 vite burg
