Pas humbjes në përballjen ndaj Napolit në kampionat, Claudio Ranieri synon të marrë 3 pikë me Romën në Europa League, ku luan ndaj Tottenham në transfertë. Kryeqytetasit kanë mbyllur përgatitjet, ndërsa në mbrëmje matin forcën me një skuadër, të cilën tekniku e njeh mjaft mirë, pasi më herët është përballur me të kur drejtonte Leicester Cityn.
“Është gjithmonë diçka e veçantë të luash në Angli. Përballemi me një skuadër shumë të mirë, e cila ka fituar 13 nga 15 ndeshjet e fundit në Europë, por ne do të luajmë lojën tonë dhe nuk kemi frikë”, deklaroi Ranieri në konferencën për shtyp. Kjo është hera e parë që këto dy skuadra ndeshen në një kompeticion të UEFA-s.
Europa League zhvillon në total 18 sfida të cilat nisin në orën 18:45 për të vijuar më pas në mbrëmje, ku secila është e veçantë, për faktin se skuadrat janë të destinuara për të marrë pikë. Kujtojmë që në krye të renditjes qëndron Lazio me pikë të plota pas 4 ndeshjesh, e ndjekur më pas nga Ajax, Galatasaray, Frankfurt, Anderlecht, Bilbao, Tottenham e Steaua Bukureshtit. Në fund të klasifikimit qëndrojnë Maccabi Tel Aviv e Dynamo Kiev, të vetmet që nuk kanë marrë asnjë pikë.
LEXONI GJITHASHTU:
- Roma emëron trajnerin e ri, i katërti brenda vitit 2024
- Rezultatet e Serisë A: Fiton Interi, ndalet Napoli! Roma konfirmon krizën
