Gara për kreun në kampionatin italian është bërë edhe më interesante përgjatë javëve të fundit, ku vendi i parë i takon Napolit, i cili hodhi një hap fals të dielën. Fitore regjistruan Interi, Atalanta dhe Fiorentina. Tre herë kampionët e Serisë A, të cilët udhëhiqen nga Antonio Conte, pësuan një humbje 0-2 nga Atalanta, me heroi të bergamaskëve, Ademola Lookman. Kjo ishte humbja e dytë për Napolin në 11 javë, ndërsa ata numërojnë 25 pikë, duke mbajtur vendin e parë në klasifikim.
Në vendin e dytë qëndron Interi, i cili mposhti minimalisht në transfertë Venecian, me një gol të Lautaro Martinez. Argjentinasi ka shënuar 5 herë këtë edicion të kampionatit italian, ndërsa shënuesi më i mirë i zikaltërve është Thuram.
Fiorentina gjithashtu është në formë fantastike në kampionat, pasi në fundjavë mori një fitore minimale ndaj Torinos, duke qëndruar kështu në garë për kreun. E njëjta gjë vlen edhe për Juventusin, i cili nuk hasi vështirësi ndaj Udinese, ndërsa renditet i pesti, 4 pikë larg Napolit kryesues.
LEXONI GJITHASHTU:
- Ndeshjet e Serisë A: Lazio ngjitet në vendin e 5-të, fitojnë edhe Roma e Fiorentina.
- E diela rekord golash në Serinë A, 8 realizime në Inter-Juventus
