Ndeshjet e Serisë A: Lazio ngjitet në vendin e 5-të, fitojnë edhe Roma e Fiorentina.

Ky sezon ka treguar një Lazio me objektivat e qarta, një skuadër e cila synon kreun e tabelës, dhe deri më tani ia ka dalë të arrijë formën optimale.

Skuadra e udhëhequr nga Baroni ka arritur të rrëmbejë 4 fitore në 5 ndeshjet e fundit dhe e sheh veten në vendin e pestë, 6 pikë nga kryesuesit e Interit. Të enjten erdhi 3 pikëshi i radhës, në duelin me Como në transfertë, i mbyllur në shifrat 1-5. Dopieta e Castellanos, Pedro, Patric dhe Tchaouna ishin autorët e golave, ndërsa për vendësit shënoi Mazzitelli.

Fitore regjistruan edhe dy ekipet e tjera të kampionatit italian, Fiorentina e Roma, këta të fundit me rezultat minimal, pas rrjetës së Dybala. Për ekipin vjollcë, heroi ishte gjermani Gosens me një gol të realizuar në fraksionin e dytë, e aq mjaftoi për të rrëmbyer fitoren e katërt në 5 javë.

Napoli është skuadra më e mirë deri më tani, me 25 pikë, 4 më tepër se Interi i vendit të dytë, ndërsa më pas vijojnë Atalanta, Fiorentina dhe Lazio. Juventus i gjashtë dhe Milani i tetë, shumë larg objektivave sezonalë.