Raportohet se KFOR-it i është dorëzuar kërkesa për trupat serbe në Kosovë

Radiotelevizioni i Serbisë ka raportuar të premten se misionit të NATO-s në Kosovë, KFOR, i është dorëzuar kërkesa për dërgimin e pjesëtarëve të forcave serbe të sigurisë në territorin e Kosovës.

Sipas raportimeve, kërkesa është bërë në Merdare, një prej pikëkalimeve mes Kosovës dhe Serbisë.

Presidenti i Serbisë, Aleksandër Vuçiç, ka bërë të ditur të enjten se Qeveria e Serbisë do t’ia nisë KFOR-it këtë kërkesë në formë elektronike.

Sipas tij, bëhet fjalë për kthimin e 100 deri në 1 mijë trupave të ushtrisë dhe policisë serbe në Kosovë.

Beogradi e ka marrë këtë vendim pas pranisë së shtuar të Policisë së Kosovës në rajonin verior.

LEXONI GJITHASHTU:

• Kurti: Jemi në pritje të KFOR-it për heqjen e barrikadave në Veri
• Serbia i dërgon kërkesën KFOR-it për kthimin e trupave serbe në Kosovë