Raportuesit e PE për Ballkanin Perëndimor, socialistët marrin Tiranën e Beogradin

Grupet politike në Parlamentin Evropian kanë rënë dakord për mënyrë sesi do të shpërndahen raportuesit  për vendet e Ballkanit Perëndimor.

Sic bën me dije European Western Balkans është vendosur që Raportuesit për Bosnje-Hercegovinën dhe Kosovën të jenë nga Partia Popullore Evropiane (EPP), grupi më i madh në PE, ndërsa Raportuesit për Shqipërinë dhe Serbinë do të vijnë nga grupi i socialistëve.

Më tej mësohet se, një eurodeputet  nga grupi “Rinovo Europe” do të marrë postin e Raportuesit për Malin e Zi, dhe Raportuesi për Maqedoninë e Veriut do të jetë përfaqësues i grupit të Gjelbërve.

 Emrat e Raportuesve të rinj pritet të mësohen  deri në fund të vitit. Raportuesit e Parlamentit Europian , ndër të tjera, janë përgjegjës për hartimin e Raporteve vjetore mbi situatën në vendet kandidate për në BE ose aspirante.

Gjatë shkrimit të raportit, ata mund të konsultohen me ekspertë përkatës dhe palë të tjera të interesuara.

Ata janë gjithashtu përgjegjës për  hartimin  e të ashtuquajturave “amendamente kompromisi” në Draft Raportet dhe zhvillimin e negociatave “, të caktuar nga grupet e tjera parlamentare.

Raportet e hartuara nga Raportuesit fillimisht miratohen nga Komisioni për Punë të Jashtme të Parlamentit Evropian dhe më pas debatohen dhe votohen në seancë plenare.

LEXONI GJITHASHTU:

• Liderët e Ballkanit Perëndimor nënshkruajnë marrëveshje të reja në Berlin
• Roli i Kinës në Ballkanin Perëndimor: Si e shfrytëzon mungesën e vëmendjes së BE-së