Reagimi i parë i Trump pas atentatit: Zoti e bekoftë Amerikën

Vetëm pak orë pas atentatit me armë zjarri, ish-Presidenti Donald Trump dha një mesazh për të gjithë qytetarët, ku konfirmoi se autori i sulmit është vrarë.

Në një deklaratë të publikuar në faqen e tij të mediave sociale, Trump falënderoi Shërbimin Sekret dhe forcat e zbatimit të ligjit për punën e tyre.

“Çka është më e rëndësishme”, tha ai, “dua të shpreh ngushëllimet e mia për familjen e personit që u vra, si dhe për familjen e një personi tjetër që u plagos rëndë. Është e pabesueshme që një akt i tillë mund të ndodhë në vendin tone. Më qëlluan me një plumb që më shpoi pjesën e sipërme të veshit të djathtë. E kuptova menjëherë se diçka nuk shkonte, të shtëna dhe menjëherë ndjeva plumbin të çante nëpër lëkurë. Kishte shumë gjakderdhje, kështu që atëherë kuptova se çfarë po ndodhte. ZOTI E BEKOFTË AMERIKËN!”, ishte mesazhi i parë i Trump pas atentatit.

Ndërkohë, zëdhënësi i tij, Steven Cheung, tha se “Trump është mirë dhe po kontrollohet në një institucion mjekësor lokal. Më shumë detaje do të jepen në vazhdim”.

Po ashtu, edhe djali i madh i zotit Trump, Donald Trump Jr., ndërsa postoi një foto të zotit Trump në rrjetin social X me fytyrë të gjakosur dhe me grushtin lart, përpara një flamuri amerikan, shkruante se “ai nuk do të ndalojë kurrë së luftuari për të shpëtuar Amerikën”.

LEXONI GJITHASHTU:

• Politika shqiptare dënon sulmin ndaj Trump, Rama: Tragjedi për botën demokratike
• Çfarë duhet të dimë deri tani për atentatin ndaj ish-presidentit Trump