Reagon ambasada e SHBA-së për shkarkimin e Nanos: Partner i fortë

Ambasada e Shteteve të Bashkuara të Amerikës ka reaguar sa i takon shkarkimit të Gledis Nanos.

Sipas saj, Nano ishte një partner i fortë i SHBA-së dhe kontribuoi kundër terrorizmit dhe si drejtor i Policisë së Shtetit shqiptar

“I shprehim vlerësimin tonë Gledis Nanos, i cili ishte një partner i fortë i SHBA-së si drejtor i Policisë së Shtetit shqiptar dhe më parë, si drejtor i Zyrës kundër Terrorizmit,” – thuhej në njoftimin e ambasadës në Twitter.

I shprehim vlerësimin tonë Gledis Nanos, i cili ishte një partner i fortë i 🇺🇸 si drejtor i Policisë së Shtetit shqiptar dhe më parë, si drejtor i Zyrës kundër Terrorizmit.

— USEmbassyTirana (@USEmbassyTirana) August 31, 2022

Gledis Nano u shkarkua të mërkurën. Lajm u bë i ditur nga ministri i Brendshëm Bledi Çuçi pas mbledhjes së sotme të qeverisë.

“Shkarkimi lidhet me mos-përmbushjen e objektivave që i ishin caktuar Drejtorit të Përgjithshëm dhe kryesisht me situatën e ditëve të fundit”, u shpreh ministri Çuçi.

Për momentin detyrat e Drejtorit të Përgjithshëm të Policisë, do i ushtrojë nën-Drejtori i Përgjithshëm, Tonin Vocaj.

LEXONI GJITHASHTU:

• Shkarkohet Drejtori i Përgjithshëm i Policisë, Gledis Nano