Real Madrid regjistron 15 pikë në 5 javë, mbrojtja më e fortë në ligën spanjolle

Reali i Madridit është ekipi me performancën më të mirë në 5 javët e para të kampionatit spanjoll, ku numëron 15 pikë. Të udhëhequr nga Xabi Alonso, los blancos po kalojnë një formë të jashtëzakonshme, duke mos hasur asnjë pengesë deri më tani dhe duket se të gjithë lojtarët janë të gatshëm të shënojnë. E fundit ishte sfida me Espanyol e fituar 2-0 me golat e realizuar nga Militao dhe francezi Kylian Mbappe.

10 realizime në total në 5 javë për galaktikët, që po ashtu kanë pësuar 2 herë deri më tani, një gol nga Mallorca dhe një nga Sociedad.

Sa i përket skuadrave të tjera, Barcelona është ndjekësja më e afërt, më pas Villareal, Espanyol, Elche dhe Real Betis. Katalanasit janë një makineri golash ashtu si në edicionin e shkuar. 16 gola në 5 javë numëron ekipi i Hansi Flick, ku fitorja më e thellë është ajo ndaj Valencias në shifrat 6-0.

Skuadra e cila deri më tani duket se nuk e ka gjetur ende ritmin e duhur është Atletico e Madridit, me 1 fitore dhe 3 barazime në 5 javë, ndërsa u mposht nga Espanyol në nisje.