Reali ia del sërish ndaj Atletico, zbulohen çiftet çerekfinaliste në Champions

Reali i Madridit ka eliminuar Atletikon nga Champions League pasi e mposhti në penallti, ndërsa 120 minuta lojë u mbyllën me fitoren minimale të vendasve. Në duelet e tjera kualifikim regjistruan Dortmund, Arsenal e Aston Villa.

Në momentin kur mendon se e ke mposhtur Realin e Madridit, në atë pikë sheh humbjen që vjen përballë teje, kështu ndodhi dhe në derbin e qytetit ndaj Atletico. Los Blancos arritën të sigurojnë biletën për në çerekfinale me një lojë aspak pozitive dhe dominim nga kundërshtari. Goli i vetëm i sfidës erdhi që në sekondat e para me autor Gallagher, që kaloi përpara Los Colchoneros. Një penallti e shpërdoruar nga Vini Jr bëri që dueli të shkonte në shtesë me rezultatin e përgjithshëm 1-1. Kur 120 minuta nuk sollën asgjë, u ekzekutuan penalltitë, aty ku galaktikët triumfuan 4-2. Te Atletico gabuan Alvarez dhe Llorente, ndërsa te Reali Vazquez.

Në sfidat e tjera nuk pati histori; kaluan më tej Dortmundi, Aston Villa dhe Arsenali. Në Francë, Lille shënoi e para, por u përmbys nga Dortmund, që fitoi me shifrat 1-2. Pas një pjese të parë me rrjeta të paprekura dhe një karton të kuq për Club Brugge, në fraksionin tjetër Aston Villa shënoi 3 herë, duke regjistruar rezultatin e përgjithshëm 6-1. Në Londër, Arsenali vendas, ndryshe nga një javë më parë, u tregua i kursyer përballë PSV, me duelin e dytë që u mbyll 2-2. Një barazim që nuk i shërben askujt.

Në çerekfinale, Arsenali përballet me Realin, Aston Villa me PSG, Bayern me Interin dhe Dortmund me Barcelonën.