Redi Shehu-Edi Palokës: Ç’ndodh nëse gjykata amerikane nxjerr Ramën të pafajshëm?

Analisti Redi Shehu i ka drejtuar një pyetje deputetit të Partisë Demokratike, Edi Paloka në emisionin “Now” në Euronews Albania, lidhur me skandalin e ish-zyrtarit të FBI-së, Charles Mcgonigal.

Shehu iu drejtua Palokës duke i thënë se çfarë do të bëjë opozita nëse gjykata amerikane e nxjerr të pafajshëm kryeministrin Edi Rama.

Paloka u shpreh se opozita i ka kërkuar SPAK-ut që të hetojë Ramën.

Redi Shehu: Pyetja ime është kjo, nëse gjykata amerikane nesër, nuk e nxjerr zotin Rama të fajshëm, ju çfarë do të bëni?

Edi Paloka: E para, gjykata amerikane nuk mund ta nxjerrë zotin Rama të fajshëm, ju e dini këtë shumë mirë.

Redi Shehu: Mbaron kauza opozitare me këtë gjë?

Edi Paloka: Ne i kemi bërë thirrje SPAK-ut që të reagojë, për një çështje që ka cënuar marrëdhëniet mes dy vendeve. Ne nuk presim as nga SPAK-u që ta dënojë Ramën. Drejtësia amerikane ka punët e veta dhe e ka me shtetasit e saj. Rama ka imunitet diplomatik, pas saj fshihet.

LEXONI GJITHASHTU

• Si rrëzohet Rama? Revoltohet Bushati: Me kallashnikov në dorë si në ‘97
• • Bushati thirrje të fortë Berishës: Futuni në grevë urie, po bëhemi dele të qeverisë
  • Edi Paloka kërcënon publikisht: Rama ikën me dhunë, duhet të ketë detyrimisht forcë