“Referendum dhe primare”, Meta flet pas takimit me Berishën

Kreu i Partisë së Lirisë, Ilir Meta u shpreh pas takimit me kreun e PD-së Sali Berisha se do të ketë referendum dhe primare.

Meta sqaroi se Partia e Lirisë ka kandidatë që premtojnë për komunitetin e tyre, që do përfshihen në primare të përbashkëta me PD dhe parti të tjera të opozitës.

“Kjo histori është zgjidhur, referendum dhe primare. Jemi në një sintoni të plotë. Kryetari i ardhshëm i bashkisë, i opozitës së vërtetë, që do të triumfojë dhe kryetari i ardhshëm i Këshillit të Bashkisë, Parlamentit të Tiranës, do të bëjë një spektakël në pak muaj. Partia e Lirisë respekton primaret; është një risi e jashtëzakonshme. Kemi kërkuar që sa më shpejt të realizohet ky proces, ne kudo si parti e Lirisë kemi kandidatë që premtojnë për komunitetin e tyre, do i përfshijnë në primare të përbashkëta me PD dhe parti të tjera të opozitës. Kandidatët të respektojnë njëri-tjetrin”, u shpreh Meta.

Ndërkohë, kreu i Partisë së Lirisë nënvizoi se i ka propozuar Berishës një emër për Kryetar të Këshillit Bashkiak të Tiranës.

LEXONI GJITHASHTU:

• ‘Super politikan’, Meta: I propozova një emër Berishës për ‘Parlamentin e Tiranës’
• Ilir Meta në selinë e PD-së, takim me Sali Berishën