‘Refugjatë në Serbi’, ukrainas dhe rusë ‘bashkohen’ në Beograd

Në më pak se 9 muaj, rreth 18 mijë ukrainas u arratisën në Serbi dhe mbi 104 mijë rusë regjistruan qëndrimin atje. Prania e tyre ka pasur një seri impaktesh në Beograd, nga ai demografik tek ai i krahut të punës dhe tregu i pasurive të patundshme.

“Erdha në Serbi më 20 mars. Nuk punoj për momentin pasi është e vështirë të gjesh punë. Por më pëlqen këtu dhe njerëzit na kanë pritur mirë”, thotë Tanja Vukas, refugjate ukrainase.

Ilja Seçanov erdhi në Serbi nga Rusia në fillim të marsit. Ai udhëtoi nëpër Evropë dhe në fund zgjodhi Beogradin. Në një kafene në kryeqytet, ku si pronari edhe kamerieri janë nga Rusia, ai është një klient i rregullt.

“Ka shumë mundësi këtu, disa prej të cilave nuk i gjen në Moskë. Ka shumë fusha ku mund të gjejmë punë, nga sektori i pasurive të patundshme deri tek ai i IT-së”, u shpreh Ilya Sechanov, qytetar rus.

Shumica e tyre mbërrijnë me fëmijë të vegjël, gjë që ka rritur kërkesën për apartamente në zonat qendrore të Beogradit.

“Apartamenti duhet të jetë i mobiluar, të ketë një linjë të mirë interneti dhe çdo gjë që kërkon një jetë e rehatshme. Edhe vendndodhja është shumë e rëndësishme për ata”, theksoi Nikola Cobic, pronar i agjencisë ‘Cityexpert’.

Këtë vit, 66 studentë nga Ukraina dhe mbi 530 nga Federata Ruse hynë në klasat e shkollave serbe. Fëmijët ukrainas dhe ata rusë ndjekin mësimin së bashku, por kanë statuse të ndryshme në sistemin arsimor.

LEXONI GJITHASHTU

• Ngec propozimi i Çekisë për liberalizimin e vizave për Kosovën
• Bashkimi Evropian, propozim të ri për liberalizimin e vizave për Kosovën
• Liberalizimi i vizave për Kosovën, vendimi hyn në fuqi në nëntor 2023