Regjisori Robert Budina hodhi akuza ndaj Ministrisë së Kulturës për shembjen e godinës së Teatrit Kombëtar.
Në emisionin “Mirëmëngjes” në Euronews Albania, Budina u shpreh se Ministria e Kulturës bashkë me Institutin e Monumenteve nuk e mbrojtën godinën, por u bënë bashkëpunëtorë në përgatitjen e letrave për ta gjetur mënyrën sesi ta hiqnin nga monument kulture.
“Na i shesin si zhvillim dhe mirëmbaje të trashëgimisë, por është një fasadë për ta shkatërruar trashëgiminë”, u shpreh ai për të gjitha projektet për rikonstruktimin e institucioneve kulturore.
Ndërsa arkitektja Doriana Musai tha se në projektet e kulturës ka mungesë transparence, nuk ka konkurse dhe nuk ka procedura prokurimi.