Regjisori Oliver Stone dëshmon mbi atentatin ndaj John F. Kennedy

Regjisori amerikan Oliver Stone do të dëshmojë në një seancë dëgjimore të martën në Dhomën e Përfaqësuesve të SHBA-së mbi vrasjen e John F. Kennedy.

Pas premtimit të Trump gjatë fushatës se do të sigurojë më shumë transparencë për vrasjen e Presidentit, Administrata ka marr përsipër zbardhjen e ngjarjes.

Për këtë do të analizohen dhe publikohen të gjitha dokumentet rreth çështjes.

Përfaqësuesja Anna Paulina Luna, kryetare e Task Forcës për Deklasifikimin e Sekreteve Federale, tha se:

“Duke hetuar dosjet e sapo publikuara, duke u konsultuar me ekspertë dhe duke gjurmuar stafin e mbijetuar të komiteteve të ndryshme hetimore, grupi i punës do të arrijë në fund të këtij misteri dhe do të ndajë gjetjet me popullin amerikan”.

Pjesëmarrja e Oliver Stonne si dëshmitar lidhet me rolin e tij si regjisor i filmit “JFK”, i cili sfidoi versionin zyrtar të vrasjes së Presidentit Kennedy.

Ai tregon se vrasja e tij ka qenë një komplot i nivelit të lartë.

Ndërsa vrasja e presidentit Kennedy i është atribuuar vetëm një personi të vetëm, Lee Harvey Oswald, Stone ka pretenduar më herët se Kennedy nuk u vra nga një vrasës i vetëm dhe beson se disa pjesëtarë të komunitetit të inteligjencës amerikane ishin të përfshirë.

Sipas disa sondazheve të bëra tregojnë se shumë amerikanë besojnë se vrasja ishte rezultat i një komploti.

LEXONI GJITHASHTU:

• Administrata Trump publikon të dhënat e reja të vrasjes së John F. Kennedy
• FBI: Kemi gjetur 2400 dosje të reja që lidhen me vrasjen e Presidentit Kennedy