Regjistroi vajzën inekzistente për përfitim! Avokatja: Rrezikon 2-7 vite burg

Avokatja Nexhi Beqiri tha në një intervistë për “Good Morning Albanians” në Euronews Albania, se 57-vjeçari në Kukës rrezikon 2 deri në 7 vite burg.

Ai u arrestua pasi ka regjistruar 21 vite më parë një të mitur që nuk ekzistonte si vajzën e tij dhe më pas falsifikoi sërish dokumente në vitin 2021 për ta shpallur të vdekur fëmijën. Nga veprimet hetimore rezulton se 57-vjeçari e ka kryer këtë veprimtari kriminale për të përfituar pension më të lartë, bazuar në ligjin e kohës.

Sipas saj ka shumë prindër që i bëjnë fëmijët me probleme shëndetësore për të përfituar pension, duke harruar se ajo dosje mjekësore do i shoqërojë gjithë jetën.

“Nuk justifikohet veprimi që ka bërë. Por ama kur jepet masa e dënimit nga gjykata, siç edhe opinioni kur diskutohet për raste të tilla, ka parasysh edhe përse e ka bërë këtë gjë. Edhe gjyqtarët e çështjes e kanë parasysh që nuk po merrte milionat, nuk po e bënte për një jetë luksi; është jashtë logjike, por megjithatë gjykata do ta ketë parasysh që e ka bërë thjesht për të siguruar një sasi parash për të ushqyer fëmijët e vet,” – u shpreh Beqiri.

LEXONI GJITHASHTU:

• E rëndë në Kukës| Regjistroi të miturën inekzistente, më pas e shpalli të vdekur
• Avokatja tregon historinë: Azem Hajdari mori raport që të shmangte ushtrinë