English

Rekord turistësh në muzetë e Shkodrës, 20 mijë vizitorë në kala dhe te “Oso Kuka”

KOMENTE

SHPERNDAJE
ARTIKULLIN

Text sizeAa Aa

Muzetë dhe vendet historike shënuan rekorde në të gjithë vendin sa i takon numrit të lartë të turistëve që i frekuentuan në vitin që lamë pas.

- Advertisement -

Edhe muzeu historik në Shkodër, por dhe muzeu i Kalasë shënuan një numër shume të lartë turistësh kryesisht vendas por dhe të huaj.

Përgjegjësi i këtij muzeu Sokol Haliti thotë për Euronews Albania se ka një shtim të interesit për muzetë në tërësi ndërsa vlerëson faktin që po vizitohen edhe nga vendasit.

“Në numrin e lartë të vizitueshmërisë së Shqipërisë kjo është reflektuar edhe në vizitueshmërisë pjesë e bashkisë Shkodrës. Për vitin 2023 në muzeun e kështjellës janë frekuentuar rreth 20 mijë vizitorë ndërsa në muzeumin historik “Oso Kuka” rreth 5 mijë. Në raport me shifrat e vitit 2022 dhe pararendëse ky është me të vërtetë një përjetim dhe një shpërthim i interesit për të njohur vlerat që trashëgojmë dhe që administrohen nga muzeumet tona”,-tha Sokol Haliti, përgjegjësi i muzeut historik në Shkodër.

Haliti thotë që po punohet edhe me nxënësit e shkollave që të afrohen sa më shumë me muzetë, që në këtë mënyrë të njihen me historinë e vendit të tyre.

“Kemi një marrëveshje bashkëpunim, e kemi nënshkruar me zyrën vendore të arsimit në Shkodër ku parashikohet që nxënësit të sistemit të gjimnazeve të mund të bëjnë bisedat e planifikuara në muzeumin tonë dhe sigurisht shoqëruar me diskutime dhe me debate përkatëse për temat me interes të përbashkët”,- Sokol Haliti, përgjegjësi i muzeut historik në Shkodër.

Drejtuesi i muzeut theksoi se 2024 do të ketë një program të pasur me qëllim tërheqjen e sa më shumë turistëve.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?