Rëmbeu kallashin dhe kërcënoi vëllanë e dajën, parandalohet krimi i rëndë në Tiranë

Një ngjarje e rëndë kriminale është parandaluar mëngjesin e kësaj të marte në kryqytet.

Policia bën me dije se ka arrestuar 31-vjeçarin Iljaz Mecani, i cili ushtroi dhunë fizike dhe kanosi me armë zjarri vëllanë e tij dhe dajën.

Gjatë kontrollit në banesë të riut iu gjetë një armë zjarri tip kallashnikov, një pistoletë si dhe municion luftarak.

Materialet në ngarkim të tij i kaluan Prokurorisë, për veprime të mëtejshme.

“Shërbimet e Komisariatit të Policisë Nr. 3, pas njoftimit për një shtetas që mbante armë zjarri në banesë dhe kanoste familjarët e tij, kanë organizuar dhe finalizuar operacionin policor të koduar “Safe”, për të parandaluar ngjarjen e mundshme kriminale.

Falë ndërhyrjes në kohë, shërbimet e Policisë kanë arrestuar në flagrancë shtetasin I. M., 31 vjeç, banues në Tiranë, i dënuar më parë për vjedhje.

Nga veprimet hetimore dyshohet se ky shtetas ka ushtruar dhunë fizike në mënyrë të përsëritur ndaj vëllait të tij dhe dajës së tyre, si dhe i ka kanosur ata me armë zjarri, për motive të dobëta”, thuhet në njoftimin e policisë.

LEXO GJITHASHTU:

• Kanosi me armë familjarët e tij, arrestohet 41-vjeçari në Tiranë
• Tërmeti godet Greqinë, lëkundje në 3 qytete