Rënia e popullaritetit të Veliajt, ja si e shpjegon Mazniku

Nënkryetari i bashkisë së Tiranës, Arbjan Mazniku ishte këtë të premte në emisionin “Barometri”, ku diskutoi rreth popullaritetit që kanë kandidatët për kryetar bashkie në Tiranë.

Mazniku ka shpjeguar se rënia e popullaritetit të kryebashkiakut Erion Veliaj, është një rënie normale e cila ndodh gjithnjë para zgjedhjeve kur njerëzit fillojnë ta shikojnë më shumë si kandidat se sa si kryetarë.

Megjithatë ai shtoi se e shikon kryebashkiakun aktual, në një pozicion shumë komod, pasi ka dieferencë të madhe favorizuese nga kundërshtari.

“Zoti Erion Veliaj i cili ka pasur popullaritet mbi 60%, është një nivel popullariteti i cili është tipik dhe Veliaj e ka pasur këtë gjithmonë larg zgjedhjeve. Kur afrohen zgjedhjet, njerëzit fillojnë at shikojnë më pak si kryetar i bashkisë, por si kandidatë dhe kjo sjell gravitim të popullaritetit.

Partia Socialiste në 2021 ka marrë në bashkinë e Tiranës 50.03% të votave. Zoti Veliaj është në një pozicion shumë komodë me një popullaritet 10 pikë më të lartë se forca politike që ai drejton”,-tha për Euronews Albania Arbjan Mazniku.

LEXONI GJITHASHTU:

• Gjetjet e Barometrit/ Popullariteti i Erion Veliajt dhe Belind Këlliçit
• A e njohin Belind Këlliçin? Teliti: Shqiptarët të njohin vetëm nëse bën skandale
• Shanset për të votuar kandidatët kryesorë Veliaj dhe Këlliçi