Reshat Arbana feston 85-vjetorin: Jeta është 3 ditë, ta duam më shumë njëri-tjetrin

Aktori i shquar dhe ikona e skenës shqiptare, Reshat Arbana, festoi 85-vjetorin e lindjes.

Mes emocionesh, kujtimesh dhe lotësh, “Nderi i Kombit” përcolli mesazhe të forta për publikun në këtë stacion të jetës së tij.

“Jeta qenka tre ditë: e djeshmja, e sotmja dhe e nesërmja. E nesërmja nuk dihet. Ta bëjmë sot atë që kemi për të bërë, mos ta lemë për nesër. Ta duam më shumë njëri-tjetrin. Ky ishte stacioni im i 85-të. Po në iksha nga kjo botë, zemra do më mbetet pas. Do iki me pishmanllëkun e madh që nuk e pashë këtë Shqipëri me një demokraci të vërtetë. T’i lëmë hasmëritë, sepse jeta është e shkurtër,” u shpreh Arbana.

Reshat Arbana është një prej figurave më të dashura për publikun shqiptar, për kontributin e tij të çmuar në kinematografi dhe teatër.

Ai ka sjellë në jetë mbi 40 personazhe në film dhe qindra role në skenë, duke u bërë një simbol i gjallë i shpirtit popullor, burrërisë, dhimbjes, revoltës dhe dashurisë për vendin.

Me rastin e 85-vjetorit të tij, Arkivi Qendror Shtetëror i Filmit e uroi aktorin duke shfaqur dokumentarin “Përballë”, ku vetë Reshat Arbana ndalet tek rolet më të spikatura të karrierës së tij.

85-Vjetori i Reshat Arbanës, “Nderi i Kombit” mesazhe të forta për publikun pic.twitter.com/eyIuRym98x

— Euronews Albania (@EuronewsAlbania) September 16, 2025

LEXONI GJITHASHTU:

• “Vdekja le të presë”, filmi i fundit i Margarita Xhepës çel “DEA Film Festival”
• “Mu duk e rëndë të lexoja lajmin e vdekjes së Enver Hoxhës!”- Flet Agim Xheka