Reshje intensive gjatë 24 orëve të fundit në Elbasan, nuk shfaqen problematika

Gjatë 24 orëve të fundit ka pasur reshje të vazhdueshme në Elbasan.

Gazetari i Euronews Albania, Renato Tafani raporton se pavarësisht kësaj, nuk ka pasur njoftime për problematika, si pasojë e motit të keq.

“Edhe në qarkun e Elbasanit, moti gjatë 24 orëve të fundit ka qenë me prezencë të lartë të reshjeve, reshje të vazhdueshme, por fatmirësisht deri në këto momente nuk njoftohen nga Emergjencat Civile apo nga Bashkia Elbasan për problematika serioze. Në këtë qark ka zona dhe vende që monitorohen specifikisht për shkak të disponibilitetit që ato kanë për t’u përballur me problematika.

Janë kthesat e Murrashit ato të cilat herë pas here përbëjnë rrezik, veçanërisht gjatë stinës së reshjeve, pasi përballen me rrëshqitje të dherave dhe gurëve. Megjithatë, deri në këto momente, nuk ka njoftime për problematika që lidhen me prezencvën e reshjeve”, raportoi ndër të tjera Tafani.

LEXONI GJITHASHTU

• Moti i keq | Lumi Ishëm del nga shtrati, disa fshatra nën ‘pushtetin’ e ujit
• Përkeqësim i motit/ Drejtoria e Përgjithshme Detare njoftim të rëndësishëm
• A rrezikojmë sërish përmbytje? Parashikimi i motit