Restaurimi i monumenteve të kulturës, 13 objekte do të rijetëzohen në Gjirokastër
13 objekte ” Monument Kulture” në Qarkun e Gjirokastrës, prej të cilave 12 në qytetin e Gjirokastrës dhe 1 në qytetin e Përmetit kanë përfituar nga bonusi i rijetëzimit.
Falë bashkëpunimit me administratorët dhe pronarët e këtyre objekteve do të bëhet e mundur restaurimi dhe rijetëzimi i tyre dhe vendosja në shërbim të zhvillimit të turizmit.”
Tashmë godinat muzeale dhe banesat karakteristike në qytetin e Gjirokastrës cilësohen një element i rëndësishëm për ecurinë e turizmit. Gjatë vitit 2022 Ministria e Kulturës dhe qeveria shqiptare çelën thirrjen për bonusin e rijetëzimit, duke akorduar fondin me vlerë 29 milion lekë.
Në bashkëpunim me pronarët dhe administratorët e objekteve ” Monument Kulture” po bëhet i mundur restaurimi dhe rijetëzimi i tyre.
“Gjatë kësaj periudhe kemi patur një numër të madh aplikimesh, por shumica e objekteve për të përfituar këtë bonus rijetëzimi duhet të kenë një projekt i cili të jetë i miratuar nga Instituti i Monumenteve. Gjithashtu duhet të jetë edhe një bashkëpunim i pronarëve të këtyre monumenteve.
Kërkesa ka qenë e lartë por nga ana e ministrisë dhe komisionit përzgjedhës janë caktuar objektet me prioritet më të madh duke përfshirë objektet, të cilët janë monument Kategoria I dhe Kategoria II, por edhe objekte, të cilat do të kenë një vlerë të shtuar për këto zona”, u shpreh Ardis Duka, drejtor i Drejtorisë Rajonale të Trashëgimisë Kulturore në Gjirokastër.
Vlerat arkitektonike dhe ndërtimore të Gjirokastrës prej vitit 2005 janë pjesë e Trashëgimisë Kulturore Botërore të UNESCO-s.
LEXONI GJITHASHTU
Pittard rikthen përmes fotografisë Shqipërinë e një shekulli më parë
Dorëshkrimi i panjohur i Mozartit zbulohet në Francë, shtatë vepra të reja dëgjohen për herë të parë
INSTAT: 1,5 milionë vizitorë në institucionet e trashëgimisë kulturore gjatë 2025-ës
- 22:38 Meloni: Udhëheqësit evropianë duhet të forcojnë komponentin evropian të NATO-s
- 22:35 Protestat në Tiranë, Gjyli: Mendimi ndryshe po përballet me linçim në rrjete sociale
- 22:33 Karamuço: Është premtuar një dosje për prapavijat e protestës, do bëhet publike
- 22:24 Analisti Lita: Protestat në Tiranë do të vazhdojnë deri në mbylljen e tranzicionit
- 22:09 “Vajza e maskuar që hoqi flamurin izraelit”, Karamuço: E stërvitur, hyri nga Shtëpia me Gjethe…
- 21:50 Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve